स्याङजा २ मा गुरूङसँग मतान्तर घटाउँदै अर्याल

१६ मंसिर स्याङजा । स्याङ्जा क्षेत्र नं. मा प्रतिनिधिसभा तथा प्रदेशसभातर्फको मतगणना चलिरहेकाे छ । मतगणनाको पछिल्लो परिणमअनुसार प्रतिनिधिसभातर्फ नेकपा (एमाले)की सचिव समेत रहेकी उम्मेदवार पद्माकुमारी अर्यालले सत्ता गठबन्धनका साझा उम्मेदवार नेपाली कांग्रेसका उम्मेदवार धनराज गुरुङसँग मतान्तर घटाउँदै लगेकी छन् ।

यसअघिसम्म २,१७१ मतान्तरले पछाडि परेकी अर्याल पछिल्लो ताजा मतपरिणाम अनुसार २,१६१ मा झारेकी छन् । गुरुङले १५ हजार ७० मत ल्याउँदा अर्यालले १२ हजार ९०९ मत ल्याएकी छन् ।

गूरुङले गणनाको सुरुदेखि नै अग्रता लिइरहेका छन् । यद्यपि उनको अग्रता कायमै छ । अर्याललाई राष्ट्रिय स्वतन्त्र पार्टीका टिकराज गुरुङले पछ्याइरहेका छन् ।

उता दाेलखा र बाजुराकाे मतगणना भने राेकिएकाे छ । दाेलखामा खसेकाेभन्दा बढी र बाजुरामा कम मतपत्र फेला परेपछि गणना राेकिएकाे हाे । यद्यपि पुनः गणनाकाे प्रयास भइहेकाे मुख्य निर्वाचन अधिकृतकाे कार्यालय जनाएकाे छ ।