स्याङ्जा २ मा धनराज निरन्तर अगाडि, पछ्याउँदै पद्माकुमारी

१६ मंसिर, काठमाडौं । पछिल्लो मतगणना अनुसार स्याङ्जा क्षेत्र नं. २ मा नेकपा (एमाले) की पदमा कुमारी अर्याल नेपाली कांग्रेसका उम्‍मेदवार धनराज गुरुङलाई पछ्याइरहेकी छन् । गणनाको सुरुवातीदेखि नै अग्रता लिइरहेका गुरुङभन्दा अर्याल २ हजार ३ सय १५ मतान्तरले पछाडि परेकी छन् ।

गुरूङले १६ हजार ५ सय ३८ मत प्राप्त गर्दा अर्यालले १४ हजार २ सय २३ मत प्राप्त गरेकी छन् । तेस्रो स्थानमा रहेका राष्ट्रिय स्वतन्त्र पार्टीका टिकबहादुर गुरुङले ५ हजार ९९२ मत प्राप्त गरेका छन् । यो क्षेत्रमा २ मा ७० हजार १९१ मत खसेको छ । अहिले कालीगण्डकी गाँउपालिका अन्तर्गतका केन्द्रका मतगणना भइरहेकाे छ ।

कालिगण्डकी गाउँपालिका–५  मा अर्याललाई ७५० र गुरूङलाई ७११ र रास्वपालाई १२९ मत प्राप्त भएकाे छ । वडा नं. ४ मा गुरूङलाई ७३३ र अर्याललाई ६५७ र ७३ मत र वडा नं. ३ मा अर्याललाई ७७४ र गुरूङलाई ७६४ र २९ मत प्राप्त भएकाे छ ।

यस्तै प्रदेशसभा २ ख तर्फ कांग्रेस उम्मेदवार महेश भट्टराई (रुख) ३६७८ मत प्राप्त गरेका छन् भने नेकपा एमालेका उम्मेदवार बुद्धिमान श्रेष्ठ (सुर्य) ३८०० मत ल्याएका छन् । कांग्रेस उम्मेदवार भन्दा १२ मतले एमाले उम्मेदवार श्रेष्ठले अग्रता लिईरहेका छन् ।