रास्वपाकाे मकवानपुर जिल्ला कमिटीमा विवाद, सभापतिलाई हटाउन माग

१८ मंसिर, काठमाडौं । राष्ट्रिय स्वतन्त्र पार्टी (रास्वपा) मकवानपुरका सभापतिलाई हटाउन माग गरेका छन् । पार्टीका नेता कार्यकर्ताहरुले चुनावमा पार्टी र पार्टीका उम्मेदवारविरुद्ध गैरजिम्मेवार र विपक्षीसँग साँठगाँठ गरेको आरोप लगाउँदै जिल्ला सभापति राजकुमार न्यौपानेलाई जिम्मेवारीबाट हटाउन माग गर्दै केन्द्रीय कार्यालयमा निवेदन दिइएको छ।

मकवानपुरका करिब ५० जनाले नेता, कार्यकर्ताले मंसिर १२ गते केन्द्रीय कार्यालयमा निवेदन दिए पनि बैठक राख्न ढिलाई गरिएको भन्दै उनीहरुले पार्टी नेतृत्वप्रति आक्रोश व्यक्त गरेका छन् ।

सभापति न्यौपानेले चुनावमा पार्टीका समानुपातिक उम्मेदवार प्रजालाई अरू पार्टीका उम्मेदवारसँग भेट गराएर पार्टीलाई मत प्राप्तिमा नोक्सान गरेको राष्ट्रिय स्वतन्त्र पार्टीका उनीहरुको आरोप थियो । बर्खास्तको माग भएपछि रास्वपाको मकवानपुर जिल्ला कार्यसमिति बैठक आज दिउँसाे ४ बजे जिल्ला कार्यसमिति बैठक बोलाइएको सचिव रामप्रसाद आचार्य सुमनले जानकारी दिएका छन् ।

मकवानपुर १ मा रास्वपाबाट टाकाराज थापा र मकवानपुर २ मा भरत पराजुली प्रतिनिधिसभा सदस्य उम्मेदवार थिए ।