एमालेसँगको सहकार्य समाप्त : उपेन्द्र यादव

१८ मङ्सिर, विराटनगर । जनता समाजवादी पार्टीका अध्यक्ष उपेन्द्र यादले नेकपा (एमाले)सँगको सहकार्य सकिएको बताएका छन् । ४ मंसिरको चुनावका जसपाले एमालेसँग केही सिटमा तालमेल गरेको थियो ।

आइतबार विराटनगर विमानस्थलमा संचारकर्मीसँगको कुराकानीमा जसपा अध्यक्ष यादवले एमालेसँगको चुनावी सहकार्य समाप्त बताएका हुन् । ‘हामीले चुनावमा एमालेसँग केही क्षेत्रमा तालमेल गरेका थियौं, चुनावसँगै सहकार्यको कोर्स समाप्त भएको छ’ अध्यक्ष यादवले भने ।

यादवले सरकार गठनमा कसलाई समर्थन गर्ने वा नगर्ने विषयमा निर्णयमा पुगिनसकेको बताएका छन् । पार्टीले सरकारमा सहभागिताका सन्दर्भमा संघ र प्रदेशमा एउटै नीति लिने पनि यादवले जानकारी दिए ।

यही मंसिर ४ मा भएको चुनावमा यादवले सप्तरी क्षेत्र नं. २ बाट जनमत पार्टीका अध्यक्ष डा. चन्द्रकान्त (सीके) राउतसँग फराकिलो मतान्तरले पराजय व्यहोरेका थिए । उनकाे हकमा एमालेबाट पूरै भाेट ‘ट्रान्सफर’ नभएकाे जसपाका नेता कार्यकर्ताकाे भनाइ छ ।