निर्वाचन आयोगले २८ मंसिरभित्र राष्ट्रपतिलाई निर्वाचन प्रतिवेदन बुझाउने

१९ मंसिर, काठमाडाैं । निर्वाचन आयोगले प्रतिनिधिसभा र प्रदेशसभा निर्वाचनकाे नतिजा प्रमाणीकरणका लागि यही मंसिर २८ गतेभित्र अन्तिम नतिजासहितको प्रतिवेदन प्रमाणीकरणका लागि राष्ट्रपतिलाई बुझाउने भएकाे छ ।

प्रतिनिधिसभा र प्रदेशसभा सदस्य निर्वाचनकाे प्रत्यक्षतर्फकाे नतिजा आउने क्रम अन्तिम चरणमा पुगेसँगै यस्ताे तयारी थालेकाे हाे । प्रतिनिधि सभाका १६५ र प्रदेशका ३३० क्षेत्रमा यही  मंसिर ४ मा निर्वाचन भएको थियाे ।

अहिले समानुपातिकतर्फको बाजुरा, दोलखा र स्याङजा गरी ३ जिल्लाको मत गणना जारी रहेकाले आज राति १२ बजेसम्म गणना सक्न सम्बन्धित निर्वाचन अधिकृतहरूलाई निर्देशन दिएको आयाेगले जनाएकाे छ ।

७ दिनसम्मको समय दिन मिल्ने भएपनि समानुपातिककाे अन्तिम नतिजा आउनेवित्तिकै आयोगले राजनीतिक दलहरुलाई समानुपातिकमा निर्वाचित हुने नाम ३ दिनभित्र पठाउन म्याद दिने भएको छ ।

प्रतिनिधिसभामा नेपाली कांग्रेस ५७, एमाले ४४, माअाेवादी केन्द्र १८, एकीकृत समाजवादी १०, राष्ट्रिय प्रजातन्त्र पार्टी ७ र राष्ट्रिय स्वतन्त्र पार्टी (रास्वपा) ७, जनता समाजवादी पार्टी (जसपा) ७, नागरिक उन्मुक्ति ३, नेकिमपा १, जनमत पार्टी, हानेपा १ र १, जनमाेर्चा १ तथा स्वतन्त्र ५ सिटमा जीत हासिल गरेका छन् ।

देशसभाको प्रत्यक्षतर्फ ३३० वटा प्रदेश सभाका क्षेत्रमध्ये ११० निर्वाचन क्षेत्रमा नेपाली काँग्रेस, ९० सिट जितेर एमाले दोस्रो, ५३ स्थानमा जितेर माओवादी केन्द्र तेस्रो दल बनेको छ । चाैथाेमा रास्ववा, पाँचाैंमा राप्रपा रहेका छन् ।