सत्ता गठबन्धनको बैठक बालुवाटारमा सुरू, लाेसपालाई बाेलाइएन

१९ मंसिर, काठमाडौं । सत्ता गठबन्धनको चुनावपछिको पहिलो बैठक प्रधानमन्त्रीको सरकारी निवास बालुवाटारमा गबैठक सुरु भएको छ ।

बैठकमा कांग्रेस सभापति शेरबहादुर देउवा, वरिष्ठ नेता रामचन्द्र पौडेल, उपसभापति पूर्णबहादुर खड्का, प्रवक्ता प्रकाश शरण महत, सञ्चारमन्त्री ज्ञानेन्द्र कार्की, नेकपा (माओवादी केद्र)का अध्यक्ष प्रचण्ड, वरिष्ठ उपाध्यक्ष नारायणकाजी श्रेष्ठ, एकीकृत समाजवादीमा अध्यक्ष माधवकुमार नेपाल लगायत सहभागी छन् । जनमोर्चाबाट भने दुर्गा पौडल सहभागी छिन् । तर चुनावी तालमेलमाा मात्र सहयात्री रहेको बैठकमा लोसपालाई बोलाइएको छैन ।

गठबन्धनको बैठकमा चुनावको समीक्षा, नयाँ सरकार गठन, सरकारका महत्वपूर्ण पदहरुमा भागबण्डा लगायतका विषयमा छलफल सुरु हुने जनाइएको छ ।

मंसिर ४ गते सम्पन्न आम निर्वाचनबाट सत्ता गठबन्धनले प्रतिनिधिसभा र प्रदेशसभातर्फ बहुमत नजिक सिट जितेको छ भने कांग्रेस सबैभन्दा ठूलो पार्टी, एमाले दोस्रो, माओवादी केन्द्र तेस्रो पार्टी बनेको छ । माओवादी केन्द्र २०७४ काे चुनावबाट तेस्राे पार्टी नै थियाे ।