सत्ता गठबन्धनको बैठकअघि प्रचण्डसँग माधव र रघुवीरको खुमलटारमा भेटवार्ता

१९ मंसिर, काठमाडौं । सत्तागठबन्धनको बैठक बस्नुपहिले एकीकृत समाजावदीका अध्यक्ष माधवकुमार नेपाल र एमाले नेता रघुवीर महासेठले माओवादी केन्द्रका अध्यक्षसँग भेटवार्ता गरेको खुलेको छ ।

गठबन्धनको बैठक केहीबेर अघिमात्र प्रधानमन्त्रीको सरकारी निवास बालुवाटारमा सुरू भएको छ । बैठक तोकिएको समयभन्दा एक घण्टा ढिला सुरु भएको हो ।

बैठक ढिलाई हुनुमा प्रचण्ड र नेपाल ढिला पुग्नु रहेको बताइन्छ । बालुवाटार बैठकमा जानुअघि नेपालबीच प्रचण्डनिवास खुमलटारमा भेटवार्ता भएको थियो ।

यसैगरी, सोमबार नै प्रचण्डसँग एमाले सचिव रघुवीर महासेठले खुमलटार पुगेर भेटवार्ता गरेका छन् । महासेठ एमाले अध्यक्ष केपी ओलीका विश्वासपात्र मानिन्छन् । गठबन्धन बैठकमा जानुअघि प्रचण्डको नेपाल र महासेठबीच भेटवार्तालाई अर्थपूर्ण हेरिएको छ ।

हालै सम्पन्न निर्वाचनमा कांग्रेस पहिलाे, एमाले दाेस्राे र माओवादी केन्द्र तेस्राे भएका छन् ।