खुमलटारमा प्रचण्ड र गृहमन्त्री खाणबीच के कुराकानी भयाे ?

१९ मंसिर, काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्ड र गृहमन्त्री बालकृष्ण खाणबीच खमलटारमा भेटवार्ता भएको छ । भेटमा समसामयिक राजनीतिक विषयमा छलफल बताइएको छ ।

उनीहरूबी पाँच दलीय गठबन्धनलाई निरन्तरता दिनेबारे छलफल भएको गृहमन्त्रालय स्रोतले बताएको छ । भेट गठबन्धनको बैठक बालुवाटारमा हुनुपहिले भएको हो ।

मंसिर ४ गते भएको निर्वाचनमा गठबन्धन गरेर निर्वाचनमा लडेका दलहरू पाँच वर्षसम्मै गठबन्धनकै माध्यमबाट मुलुकको विकास गर्न एकजुट भएर लाग्नेबारे कुराकानी भएको थियो । भेटमा प्रचण्डले शान्तिपूर्ण रुपमा निर्वाचन सम्पन्न गराउन गृहमन्त्रालयले खेलेको भूमिकाको प्रसंसा गरेका थिए ।

आजै मात्र एकीकृत समाजवादीका अध्यक्ष माधवकुमार नेपाल, एमालेका सचिव रघुवीर महासेठले खुमलटारमै पुगेर अध्यक्ष प्रचण्डसँग भेट गरेका छन् । नयाँ सरकार र सरकारका मुख्य पदहरु भागबण्डाको अभ्यासमा दलहरुको रहेका बेला भएको भेटलाई अर्थपूर्ण हेरिएको छ ।

आजै मात्र एकीकृत समाजवादीका अध्यक्ष माधवकुमार नेपाल, एमालेका सचिव रघुवीर महासेठले खुमलटारमै पुगेर अध्यक्ष प्रचण्डसँग भेट गरेका छन् । नयाँ सरकार र सरकारका मुख्य पदहरु भागबण्डाको अभ्यासमा दलहरुको रहेका बेला भएको भेटलाई अर्थपूर्ण हेरिएको छ ।