काठमाडौं महानगरले माग्याे करारमा इन्जिनियर

२० मंसिर, काठमाडौं । काठमाडौं महानगरपालिकाले पूर्वाधारसम्बन्धी काम गर्न करारमा इन्जिनियर नियुक्त गर्ने भएको छ । महानगरको प्रशासन विभागले मंगलबार सूचना प्रकाशित गर्दै योग्य उम्मेदवारहरुबाट आवश्यक कागजातसहित आवेदन माग गरेको छ ।

सिभिल, आर्किटेक्ट, इलेक्ट्रिक र स्ट्रक्चर इन्जिनियर पदमा आवेदन माग गरिएको छ । योग्य आवेदकले निवेदनका साथमा स्नातक तह उत्तीर्ण गरेको हुनुपर्ने प्रावधान राखिएको छ ।

सूचना प्रकाशन भएको ७ दिनभित्र आवेदन दिन भनिएको छ । आठौं दिनदेखि योग्य उम्मेदवारलाई योग्यता क्रमाअनुसार करार नियुक्त दिई काममा खटाउने समेत सुचनामा उल्लेख छ ।