राष्ट्रपति भण्डारी र सिके राउतबीच भेटवार्ता, राजनीतिक विषयमा छलफल

२० मंसिर, काठमाडौं । राष्ट्रपति विद्यादेवी भण्डारी र नवनिर्वाचित संघीय सांसद एवं जनमत पार्टी नेपालका अध्यक्ष डा. सिके राउतबीच भेटवार्ता भएकाे छ । मंगलबार राष्ट्रपति कार्यालय शितल निवासमा भेटवार्ता भएकाे हाे ।

कुनैबेला विखण्डाकारीकाे अाराेप लागेका राउत पहिलोपटक प्रतिनिधिसभा सदस्य (सांसद) विजयी भएपछि राउत चर्चामा छन् । एक साताअघि काठमाडौं आइपुगेका राउतले सबै दलका शीर्ष नेतालाई भेटिसकेका छन् । उनले प्रमुख दलका शीर्ष नेताहरूलाई भेटेर राजनीतिमा आफ्नो स्पेस खोजेको संकेत दिएका छन् ।

भेटवार्तामा  समसामयिक राजनीतिक निकासको विषयमा छलफल भएकाे राउतकाे सचिवालयले जनाएकाे छ ।

प्रतिनिधिसभा निर्वाचनमा उनले सप्तरी २ बाट जसपा अध्यक्ष उपेन्द्र यादवलाई फराकिलो मतान्तरले पराजित गरेका थिए । उनको जनमत पार्टीले प्रतिनिधिसभामा ५ सिट पाउने देखिएको छ । जनमतलाई सरकारमा हुन सत्तारुढ गठबन्धनले प्रस्ताव गरेका छन् ।