धनुषा २ मा रामकृष्ण यादवको जितविरूद्ध सर्वोच्चमा रिट

२१ मंसिर, काठमाडौं । धनुषा क्षेत्र नं. २ मा धाँधली गरेर नेपाली कांग्रेसका उम्मेदवार रामकृष्ण यादव विजयी भएको आरोप लगाउँदै निकटतम प्रतिद्वन्द्वी एमालेका उम्मेदवार उमाशंकर अरगरियाले यादवविरुद्ध रिट हालेका छन् ।

अरगरिया यादवसँग १ सय ५७ मतान्तरले पराजित भएको घोषणा निर्वाचन अधिकृतको कायालयले गरेको छ । झिनो मतले पराजित भएका उनले मंगलबार सर्वोच्च अदालतमा रिट दायर गराएका हुन् ।

मतगणना बेला आफूलाई गणनास्थलमा समेत जान नदिई धाँधली गरेको उनको आरोप छ । आफूलाई हराउन निर्वाचन अधिकृत कार्यालयको समेत मिलेमतो रहेको उनको दाबी छ । रिटमा उनले पुनः मतदानको माग गरेका छन् ।