चोलेन्द्रको महाअभियोग निष्क्रिय भएको पत्र नआएको सर्वोच्चकाे स्पोष्टक्ति

२१ मंसिर, काठमाडौं । प्रधानन्यायाधीश चोलेन्द्रशमशेर जबराले आफूविरूद्धको महाअभियोग प्रस्ताव निष्क्रिय भएको पत्र आएको भन्दै बुधबार सर्वोच्च अदालत जाने बताएकाे समाचार बाहिरिएसँगै सर्वोच्चले प्रतिक्रिया दिएको छ ।

महाअभियोग निष्क्रिय भएको कुनैपनि पत्र वा जानकारी नआएको सर्वोच्च अदालतका प्रवक्ता विमल पौडेलले बताए । त्यस्तो पत्र संसदले सर्वोच्चमा नपठाई राणा प्रधानन्यायाधीशको रूपमा अदालत आउन नसक्ने पनि उनको जिकिर छ।

संघीय संसद सचिवालयका महासचिव डा. भरतराज गौतमले आफूविरूद्धको महाअभियोग प्रस्ताव निष्प्रभावी भएको भन्दै पत्र आएकाले अदालत जान लागेको जबराले बताएका छन् । यसबारे सर्वोच्चलाई उनले खबर समेत गरेको दाबी गरेका छन् । संसद सचिवालयका सहायक प्रवक्ता दशरथ धमलाले जबरालाई पत्र पठाइसकेको पुष्टि गरे ।

राणाविरूद्ध गत फागुनमा सत्तारूढ दलका सांसदहरूले महाअभियोग प्रस्ताव दर्ता गरेका थिए । दर्ता लगत्तैबाट उनी निलम्वनमा छन् ।अघिल्लो संसदले महाभियोग प्रस्तावमाथि छालफल गर्न समिति समेत गठन गरी छलफल गर्दागर्दै प्रतिनिधिसभा र प्रदेशसभाको घोषणा भएपछि महाभियोग प्रस्ताव टुंगोमा नपुर्याई अलपत्र छाडेपछि जबराले महाभियाेग निष्प्रभावी भएकाे दाबी गर्दै नियमित कार्य सम्पादनका लागि सम्बन्धित निकायलाई जानकारी गराइदिन मंगलबार सचिवायलयलाई पत्र लेखेका थिए ।

यही मंसिर ४ मा निर्वाचन सम्पन्न भई संसदमा नयाँ सदस्यहरु आइसकेका अवस्थामा संसद सचिवालयले जबरालाई ‘पहिला कार्य सम्पादन गर्न नपाउने गरी भएकोमा संसद नै गइसकेको हुनाले निष्प्रभावी भएको जानकारी गराइन्छ’ भनी जवाफ पत्र पठाएको हो ।