इरानमा ‘ईश्वर’विरुद्ध दुश्मनी’गरेको आरोपमा सरकारविरोधी प्रदर्शनकारीलाई मृत्युदण्ड

२२ मंसिर, तेहरान । इरानले सरकार विरोधी अशान्तिमा दोषी ठहरिएका एक प्रदर्शनकारीलाई पहिलोपटक मृत्युदण्ड दिएको छ । मोहसेन शेकरीलाई क्रान्तिकारी अदालतले ‘ईश्वर’विरुद्ध दुश्मनी गरेको आरोपमा दोषी ठहर गरेपछि बिहीबार बिहान फाँसी दिइएको सरकारी सञ्चारमाध्यमले जनाएको छ।

उनीमाथि सेप्टेम्बर २५ मा तेहरानको मुख्य सडक अवरुद्ध गर्ने र अर्धसैनिक बासिज बलका एक सदस्यलाई चक्कुले घाइते बनाएका अभियोग लगाइएको छ ।

इरानमा  महिलाले मुस्लिम धर्मअनुसार लगाउने हिजाब कानूनकाे विराेधमा  २ महिनादेखि सरकारविराेधी निरन्तर प्रदर्शन हुँद अाएका छन् । अमेरिकाले आफूले प्रदर्शनकारीकाे पक्षमा साथ दिएकाे बताउँदै आएकाे छ । जसकाे इरानले कडा शब्दमा विराेध गरिरहेकाे छ ।

धार्मिक प्रहरीले यात्रामा रहेकी एक इरानी युवतीलाई हिजाबको उल्लंघन गरेको भन्दै पक्राउ गरी हिरासतमा राख्दै गर्दा मृत्यु भएपछि इरानमा सरकार विरोधी आन्दोलनले उग्र रुप लिँदै गएको छ ।