चोलेन्द्रकाे महाअभियाेग निष्प्रभावी निर्णयविरूद्धकाे रिटकाे सुनुवाइ संवैधानिक इजलासमा

२३ मंसिर, काठमाडाैं ।  सर्वोच्च अदालतमा निलम्बित प्रधानन्यायाधीश चोलेन्द्र शम्शेर जबराको महाभियोग प्रस्ताव निष्प्रभावी हुने भनी सङ्घीय संसद्का महासचिव डा भरतराज गौतमले दिएको पत्रविरुद्धको रिट निवेदनमा सुनुवाइ गर्न संवैधानिक इजलास गठन गरेकाे छ ।

का.मु. प्रधानन्यायाधीश हरिकृष्ण कार्कीको नेतृत्वमा संवैधानिक इजलास गठन गरेकाे हाे । इजलासमा न्यायाधीशरू  हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिल कुमार सिन्हा छन् ।

भ्रष्टाचार र असक्षमताकाे अाराेपमा गत फागुनमा संघीय संसदले महाअभियाेग  लगाएपछि जबरा निलम्बित अवस्था रहेका बेला सङ्घीय संसद्का महासचिव डा गौतमले यही मङ्सिर २१ गते प्रधानन्यायाधीश जबरा, सर्वोच्च अदालतलगायत निकायममा महाअभियोगको प्रस्ताव निष्प्रभावी भएको निर्णयसहित पत्र पठाएका थिए । साे निर्णयवि खारेजीकाे माग गर्दै नेपाल बार एसाेसिएसनका  अध्यक्ष पूर्णमान शाक्यलगायत पदाधिकारीहरूले सर्वाेच्चमा बुधबार रिट दायर गरेका थिए ।

रिटमा संघीय संसद सचिवालयलाइ विपक्षी बनाइएकाे छ ।