संसद सचिवालयका महासचिव गौतम कानूनी परामर्शमा

२३ मंसिर, काठमाडौं । संघीय संसदका महासचिव डा. भरतराजत गौतम कानूनी परामर्शमा जुटेका छन् । २१ मंसिरमा उनले महाअभियोग लागेर निलम्वन अवस्थामा रहेका प्रधानन्यायाधीश चोलेन्द्र शमशेर जबरालाई महाअभियोग फुकुवा भएको निर्णयसहितको पत्र थमाएपछि त्यस खारेजीको माग गर्दै सर्वोच्चमा २२ गते रिट निवेदन परेको छ ।

रिटमा सुनुवाइका लागि का.मु. प्रधानन्यायाधीश हरिकृष्ण कार्कीको नेतृत्वमा गठित इजलासमा न्यायाधीशहरू हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिल कुमार सिन्हा छन् । संवैधानिक इजलास गठन गरेको छ । इलासमा सुनुवाइ भइरहेको सर्वोच्चले आफ्नो वेभसाइटमा उल्लेख गरेको छ ।

रिटमा संघीय सचिवालयलाई विपक्षी बनाइएको छ । अब डा. गौतमले प्रतिवादीको रुपमा जवाफ पेश गुर्नपर्ने हुन्छ । उनी त्यसैका लागि कानूनी परामर्शमा जुटेका हुन् । उनले महाअभियोग फुकुवा निर्णय आफू एक्लैले लिएको प्रतिक्रिया दिँदै आएका छन् ।