संघीयताको विपक्षमा उभिए विप्लव

२३ मंसिर, बुटवल । नेपाल कम्युनिष्ट पार्टी (नेकपा)का महासचिव नेत्रविक्रम चन्द (विप्लव’ले मुलुकमा संघीयताको औचित्य नभएको बताएका छन् ।

शुक्रबर कपिलवस्तुमा आयोजना गरेको एक कार्यक्रममा उनले जनताको समानुपातिक संघीयता आवश्यक भएको बताए । वर्तमा संघीयताले नेताको व्यवस्थापनबाहेक कुनै औचित्य सावित नभएको बताए । आफूहरुले सुरुदेखि नै संघीय प्रणाली गलत रहेको बताउँदै आएको र अहिले पुष्टि हुँदै गएको उनको भनाइ छ ।

उनले पछिल्लो समय राज्यको आर्थिक संकटले मुलुकको अवस्था निकै कमजोर भएको र राज्यले विशेष आर्थिक नीति नल्याए नेपाल श्रीलंकाभन्दा थप संकटमा पर्ने उल्लेख गरे ।

उनले मुलुकलाई स्वाधीन र आत्मनिर्भर बनाउ विशेष आर्थिक नीतिको खाँचो बताए । उनले ४ मंसिरको निर्वाचनको औचित्य पुष्टि नभएको पनि जिकिर गरे ।

‘४ मंसिरको निर्वाचनले जनतामा खुसी दिएन’, उनले भने, ‘अब अहिलेको अभ्यासको संघीयता र निर्वाचन प्रणालीको पनि औचित्य सकिएको छ ।’
महासचिव विप्लवले आफूहरूसँग तत्कालीन केपी ओली नेतृत्वको सरकारले गरेको तीनबुँदे सहमति अहिलेको सरकारले कार्यान्वयन नगरेको भन्दै आक्रोश व्यक्त गरे । नेकपाका केही कम्युनिष्ट पार्टीले ४ मंसिरको निर्वाचन बहिष्कार गरेका थिए ।