बलात्कारको आरोपमा गुल्मीमा एक युवक पक्राउ

२५ मंसिर, गुल्मी । प्रहरीले बलात्कारको आरोपमा एक युवकलाई पक्रा गरेको छ । पक्राउ पर्नेमा मुसिकोट नगरपालिका–१ पखेरा बस्ने २१ वर्षीय दिपेन्द्र विक रहेका छन् ।। उनीमाथि १७ वर्षीया किशोरीलाई जबर्जस्ती करणी गरेको आरोप छ ।

विकले ती किशोरीलाई शुक्रबार बिहान बलात्कार गरेको भन्ने खबर प्राप्त हुनासाथ प्रहरी चौकी पौदिअमराईबाट खटिएको प्रहरीले उनलाई शनिबार दिउँसो पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।