एकनाथ ढकाललाई सांसद बनाइएकोमा भीम रावलको आपत्ति

२५ मंसिर, काठमाडौं । नेकपा (एमाले) नेता भीम रावलले परिवार दलका पूर्व अध्यक्ष एकनाथ ढकाललाई समानुपातिकबाट सांसद बनाएकोमा आपत्ति जनाएका छन् ।

एमालेले ढकाललाई समानुपातिकबाट सांसदमा सिफारिस गरेको छ । विवादास्पद युनिफिकेशन चर्चसँग आवद्ध होली वाइन भनी चर्चित नेपाल परिवार दलका अध्यक्ष एकनाथ ढकाललाई एमालेले समानुपातिकबाट प्रतिनिधिसभा सदस्य बनाएको भन्दै रावलले आपत्ति जनाएका हुन् ।

ढकाललाई प्रतिनिधिसभा सदस्य (सांसद)मा सिफारिस गरेपछि एमालेभित्रै चर्को विरोध सुरु भएको छ । नेता भीम रावलले सामाजिक संचालमार्फत आपत्ति समेत जनाएका छन् । ढकाल विदेशी महिलासँग विवाह गरेका पात्र भएकाे उनले ट्वीटरमा उल्लेख गरेका छन् ।

साथै अमेरिकामा कर छली र दक्षिण कोरियामा जासुसको कसुरमा जेल सजाय भोगेको व्यक्ति भएको समेत उल्लेख गरेका छन् ।

जापान सरकारकाे समेत छानबिनमा परेकाे हाेली वाइनकाे झोली भर्ने तरिका pic.twitter.com/b9RH1Z3XvK

— Bhim Rawal, PhD (@BhimRawal179) December 11, 2022