पर्सामा प्रहरीको गाडी दुर्घटना, इन्सपेक्टरसहित दुई जना घाइते

२७ मंसिर, बीरगञ्ज । पर्साकाे मनिहर्वामा प्रहरीको गाडी दुर्घटना भएकाे छ । गएराति भएकाे दुर्घटनामा इलाका प्रहरी कार्यालय ठोरीका प्रहरी निरीक्षक (इन्सपेक्टर)शंकर श्रेष्ठसहित दुई जना घाइते भएका छन् । अन्य घाइते हुनेमा प्रहरी जवान मनोज घर्ती रहेका छन् ।

घाइते दुवै जना खतरामुक्त रहेका छन् । बीरगञ्ज–ठोरी सडकखण्डअन्तर्गत पटेर्वासुगौली गाउँपालिका मनिहर्वा नजिकै ना १ झ १२७२ नम्बरको प्रहरीको गाडी दुर्घटना भएकाे हाे ।

विपरीत दिशाबाट आएको मोटरसाइकललाई छल्न खोज्दा अनियन्त्रित भएर पल्टिएको जिल्ला ट्राफिक प्रहरी कार्यालय पर्साले जनाएकाे छ ।