राष्ट्रिय जनमोर्चा पनि अध्यादेशको विरोधमा

२७ मंसिर, काठमाडौं । सत्तारुढ राष्ट्रिय जनमोर्चा सरकारले फौजदारी कार्यविधि संहितामा परिवर्तन गर्न ल्याएको अध्यादेशको विरोधमा उभिएको छ ।

जनमोर्चाका अध्यक्ष चित्रबहादुर केसीले मंगलबार एक प्रेस विज्ञप्ति जारी गरेर अध्यादेश जारी भएमा सर्वस्व हरणसहित कैद सजाय भोगिरहेका नागरिक उन्मुक्ति पार्टीका नेता रेशम चौधरीले रिहा हुने बताएका छन् । रिहा हुने गरी अध्यादेश ल्याउन नहुने उनको भनाइ छ ।

उसले सरकारले आफ्नो राजनीतिक उद्देश्य पूरा गर्न अपराध वा अपराधीलाई प्रयोग गर्ने कार्यले दण्डहीनता बढ्ने उल्लेख गरेका छन् ।

‘सरकारले टिकापुर जघन्य हत्याकाण्डमा संलग्न रेशम चौधरीलाई जेलमुक्त गर्नका लागि फौजदारी कार्यविधि संहितामा परिवर्तन गर्न अध्यादेश ल्याउन राष्ट्रपतिकोमा सिफारिस गरेको कार्यप्रति हाम्रो गम्भीर ध्यानाकर्षण भएको छ’ विज्ञप्तिमा भनिएको छ ।

यसअघिदेखि नै सरकारको नेतृत्व गरिरहेको नेपाली कांग्रेसका वरिष्ठ नेता डा. शेखर कोइराला, महामन्त्रीद्वय गगन थापा र विश्वप्रकाश शर्मालगायत नेताहरूले अध्यादेशको विरोध गर्दै आएका छन् ।

प्रमाणिकरणका लागि राष्ट्रपति विद्यादेवी भभण्डारीसमक्ष सिफारिस गरिएको अध्यादेशको विरोध र समर्थनमा सडकमा आवाज उठिरहेको छ । सोमबार पठाइएको अध्यादेश अहिलेसम्म प्रमाणिकरण भएनभएको बारे केही बताइएको छ ।