चुनावकाे अन्तिम नतिजा घोषणाकाे तयारीमा निर्वाचन आयोग

२७ मंसिर, काठमाडौं । निर्वाचन आयोगले बुधबार प्रदेश तथा प्रतिनिधिसभा निर्वाचनको अन्तिम नतिजा घोषणा गर्ने भएको छ । बुधबार साढे १२ बजे पत्रकार सम्मेलन गरेर अन्तिम नतिजा घोषणा गर्ने तयारी गरेको आयोगले जनाएको छ ।
यसअघि नै प्रत्यक्षतर्फको अन्तिम नतिजा आइसकेकामा दलहरूले समानुपातिकतर्फ प्राप्त सिट संख्यामा पनि अन्तिम सूची आयोगमा बुझाइसकेका छन् । निर्वाचन यही मंसिर ४ मा सम्पन्न भएको थियो ।

अन्तिम नतिजा घोषणा गरेपछि प्रमाणिकरणका लागि राष्ट्रपति समक्ष प्रतिवेदन पेश गरिनेछ । प्रमाणिकरणपछि सरकार गठनकाे बाटाे खुल्नेछ ।