सशस्त्र प्रहरीमा दरबन्दी थप्ने प्रस्ताव, सहमतिका लागि अर्थ मन्त्रालय पठाइयो

२८ मंसिर, काठमाडौं । सशस्त्र प्रहरी बलमा दरबन्दी थप गर्ने प्रस्ताव अगाडि सारिएको छ । प्रधान कार्यालय हल्चोकले दरबन्दी थप गर्नुपर्ने प्रस्ताव अघि बढाएको हो ।

हरेक वर्ष बोर्डर आउट पोस्ट (बीओपी) लगायत विभिन्न युनिटहरु थपिँदै जाने क्रम बढेको जनाउँदै त्यसमा जनशक्ति परिपूर्ति गर्न भन्दै ४ हजार २ सय दरबन्दी थपको प्रस्ताव अघि बढाइएको हो ।

हेडक्वाटरले सशस्त्रका युनिटहरु र त्यहाँ हुनुपर्ने जनशक्तिबारे अध्ययन सकेपछि ६ हजार ५ सयभन्दा बढी दरबन्दी आवश्यक रहेको औंल्याइएको थियो । त्यसमा घटाएर ४ हजार २ सय दरबन्दी तत्काल थप गर्न सशस्त्र हेडक्वाटरले प्रक्रिया अघि बढाएको छ।

गृहमा पठाइएको उक्त प्रस्ताव गृहले सहमतिका लागि अर्थ मन्त्रालय पठाइएको स्रोतले जनायो ।