क्याबिन क्रु आन्दोलनः दुई ट्रेड युनियनकर्मी पक्राउ

२९ मंसिर, काठमाडौं । करार नविकरणकोमाग गर्दै आन्दोलनरत नेपाल वायु निगमका एयर होस्टेसमाथि हातपात भएको छ । निगमका कार्यकारी अध्यक्ष युवराज अधिकारीसहित वार्ता चलिरहेका बेला कांग्रेस निकट ट्रेड युनियनका पदाधिकारीले उनीहरुमाथि आतपात गरेका हुन् ।

ट्रेड युनियनकर्मीको कुटाइबाट एयर होस्टेस पूजा सहनीको कानमा चोट लागेको छ । कानबाट रगत बगेकाे प्रत्यक्षदर्शीले बताएका छन् ।

नेपाल वायुसेवा एयर होस्टेसहरुको संगठन क्याबिन क्रु संघ र कांग्रेस निकट ट्रेड युनियनका पदाधिकारीहरुबीच निगमको मानव संशाधन विभागमा बिहीबार दिउँसाे वार्ता भइरहेको समयमा ट्रेड युनियनकर्मी र संघबीच हात हालाहाल भएको थियो । कारी न्यूराेडस्थित निगमकाे कार्यालय घेराउ गर्न पुगेका थिए ।

वार्तास्थलमा तनाव उत्पन्न भएपछि न्युरोडमा जनसेवा प्रहरी वृत्तको टोलीले क्याबिन क्रु जाइलागेको अभियोगमा दुई जना ट्रेड युनियनका नेतालाई नियन्त्रणमा लिएको छ ।

वार्ता अवरुद्ध भएको छ । वार्ता कहिले बस्नेबारे केही टुंगो नलागेको निर्देशक अधिकारीले बताए । वार्ता बस्नेबारे पहल भइरहेको उनले बताए ।

काम छाडेर आन्दोलनमा लागेका कारणा बुधबार र बिहीबार अन्तर्राष्ट्रिय उडान प्रभावित भएका छन् । सयौं बैंङलोर दिल्ली, रियादका यात्रु रोकिएका छन् । बुधबार उडान ढिला गरी उडेपनि बिहीबार बन्द रहे ।