संसदीय दलको नेतामा सिके राउत चयन

४ पुस, जनकपुरधाम । जनमत पार्टीको संसदीय दलको नेतामा अध्यक्ष डा. सिके राउत चयन भएका छन् । आइतबार काठमाडौंको बुद्धनगरस्थित पार्टी कार्यालयमा बसेको सांसदहरूको बैठकले सर्बसम्मत दलको नेतामा राउतलाई चयन गरेको हो ।

दलको उपनेता र प्रमुख सचेतक चयन पनि सोमबार नै गर्ने बताइएको छ । राउत सप्तरी क्षेत्र नं. २ बाट जसपा अध्यक्ष उपेन्द्र यादवलाई दोब्बर बढी मतले पराजित गर्दै जितेका हुन् । जनमतका ६ सांसद छन्। राउत प्रत्यक्ष र अरु पाँच जना समानुपाति प्रणालीबाट चयन भएका हुन् ।
राष्ट्रपतिले सातदिनको समय दिएर प्रधानमन्त्रीमा दावी पेस गर्न समय दिएपछि सरकारमा जान संसद छिरेका दलहरु दलको नेता चयनमा लाागेका छन् । जनमतले सत्ता गठबन्धनलाई सरकार गठनमा सघाउने बताइसकेको छ ।