अहिले वामपन्थी शक्तिहरूको सरकार बन्ने सम्भवना छैनः खनाल

४ पुष, काठमाडौं । नेकपा एकीकृत समाजवादीका सम्मानित नेता झलनाथ खनालले अहिलेको जनमत बाम लोकतान्त्रिक गठबन्धनकै पक्षमा देखिएकाले आगामी सरकार पनि उसैको बन्न बताएका छन् । अहिलेको अवस्थामा कुनै पनि कोणबाट वामपन्थी शक्तिहरूको सरकार बन्ने सम्भवना नरहेको खनालको भनाइ छ ।

नवनिर्वाचित सांसदलाई बधाई दिँदै उनले आउने हप्तासम्ममा सरकारको रुपरेख तयार हुने बताए । केहीले वामपन्थीहरु मिलेर सरकार बनाउनपर्छ भन्दै प्रयास गरेपनि यो सम्भव नरहको खनालले बताए । उनले वामपन्थी सरकार बन्ने आधार हिजोको नेकपा एमालेको नेतृत्वले तोडेकाले त्यसलाई नयाँ निर्माण गर्न समय लाग्ने भन्दा वामपन्थी सरकार बन्ने सम्भावना आफुले नदेखेको दावी गरे ।

उनले बामलोकतान्त्रिक शक्तिहरूको सरकार बन्ने सम्भावना नै प्रवल रहेको बताए । अरु सरकारको कुरा आएपनि सबैभन्दा बढी सम्भवना बामलोकतान्त्रिक शक्तिहरूको सरकार नै भएकोमा जोड दिए । खनालले एमाले र माओवादी मिल्ने कुरामा आफुलाई विश्वास नभएको भन्दै बाम सरकारको बाटो पहिले नै रोकिएको उल्लेख गरे ।