आमाको किरियामा रहेका सांसद प्रेम आलेले शपथ लिन पाएनन्

७ पुष, काठमाडौं । बिहीबार सम्पन्न नवनिर्वाचित सांसदहरूको शपथ कार्यक्रममा पूर्वमन्त्री एवं नेकपा (एकीकृत समाजवादी)का प्रेमबहादुर आले अनुपस्थित भएका छन् ।

डोटीबाट सांसद निर्वाचित आले आमाको किरियामा रहेकाले शपथ ग्रहण कार्यक्रममा उपस्थित हुन नसकेका हुन् । आलेकी आमा गंगादेवीको ७९ वर्षको उमेरमा सोमबार निधन भएको थियो । काठमाडौंमा उपचारका क्रममा गंगादेवीको निधन भएको हो ।