एसपी यादव भ्रष्टाचार मुद्दामा दोषी ठहर

८ पुष, काठमाडौं । नेपाल प्रहरीका एसपी रामेश्वर यादवसहित २ जना भ्रष्टाचार मुद्दामा दोषी ठहर भएका छन् । सर्वोच्च अदालतका न्यायाधीशद्वय ईश्वरप्रसाद खतिवडा र तिलप्रसाद श्रेष्ठको इजलासले विशेष अदालतको फैसला उल्ट्याउदै यादवलाई दोषी ठहर गरेको हो ।

विशेष अदालतले उनीहरुलाई सफाई दिएको थियो । विशेषले सफाई दिएसँगै उनको बढुवा भएको थियो । २०७० सालमा जिल्ला प्रहरी कार्यालय रुपन्देहीमा डीएसपी रहेका बेलामा उनीमाथि अनियमितता गरी मुद्दा मिलाएको भनी भ्रष्टाचारमुद्दा दायर भएको थियो ।

पछि विशेषकाे फैसलाप्रति असन्तुष्टी जनाउँदै सरकारी वकिलकाे कार्यालयले पुनरावेदनका लागि सर्वाेच्च अदालतमा मुद्दा दायर गरेकाे थियाे । मुद्दा दायर भएकाे भएको करिब साढे ७ वर्षपछि सर्वाेच्चले यही पुष ५ मा  फैसला गर्दै एसपी यादव र हवल्दार गुरुङलाई दोषी ठहर गरेको हो । २२औं पटकको पेसीमा भएको सुनुवाइपछि दाेषी ठहरकाे फैसला भएकाे हाे ।

दाेषी ठहर हुँदाका बखत् उनी सिन्धुपाल्चाेकमा प्रहरी प्रमुख थिए । सर्वोच्च अदालतले उनीसँगै हवल्दार ढकबहादुर गुरुङलाई पनि दोषी ठहर गरेको छ । भ्रष्टाचार गरेको कसुरमा दोषी ठहर भएसँगै उनीहरु पदबाट बर्खास्तीमा पर्ने निश्चित भएकाे छ । कसुरमा बिगाे भराउनेबाहेक कैद सजाय पनि हुन सक्नेछ ।