मुख्यमन्त्रीबाट राजीनामा दिएका पाण्डेलाई काम चलाउ सरकारको जिम्मेवारी

८ पुष, काठमाडौं । बागमती प्रदेशको मुख्यमन्त्री राजेन्द्रप्रसाद पाण्डेले पदबाट राजीनामा दिएका छन् । शुक्रबार प्रदेश प्रमुखसमक्ष पाण्डेले शुक्रबार। राजीनामा पत्र बुझाएका हुन् ।

धादिङबाट प्रतिनिधिसभा सदस्य पदमा निर्वाचित भएका पाण्डे प्रदेशको बहालवाला मुख्यमन्त्री रहेकै अवस्थामा बिहीबार प्रतिनिधिसभा सदस्यको शपथ लिएपछि आलोचना सुरु भएको थियो ।

एमालेबाट फुटेर बनेको नेकपा (एकीकृत समाजवादी)बाट मुख्यमन्त्रीको रुपमा २०७८ कात्तिक ११ गते जिम्मेवारी सम्हालेका थिए । उनको राजीनामासँगै काम चलाउ सरकारको जिम्मेवारी समेत उनैलाई दिइएको प्रदेश प्रमुख कार्यालय हेटौंडाले जनाएको छ ।

यसअघि बागमती प्रदेशमा एमालेकी उपाध्यक्ष अष्टलक्ष्मी शाक्य र नेता डोरमणि पौडेल मुख्यमन्त्री बनेका थिए ।