बैंक तथा वित्तीय संस्थासँग सवा दुई खर्ब लगानीयोग्य पुँजी

८ पुष, काठमाडौं । बैंक तथा वित्तीय संस्थासँग करिब दुई खर्ब १७ अर्ब रूपैयाँ कर्जा लगानीयोग्य पुँजी रहेको देखिएको छ । बैंक तथा वित्तीय संस्थाको कर्जा निक्षेप अनुपात तोकिएको ९० प्रतिशतभन्दा कम ८५.८७ प्रतिशतमा आएपछि बैंकहरूसँग कर्जा लगानी योग्य पुँजी थप देखिएको हो ।

बैंकहरूसँग क्षमता वृद्धि हुँदै गएपनि ऋणीहरूमा आत्मविश्वासको कमी र ब्याजदरमा वृद्धि भएको कारण कर्जा लगानी बढ्न नसकिरहेको बैंकरहरुले बताएका छन् ।

कर्जाको ब्याजदर महंगो (लगभग १५ प्रतिशत)भएकोले धेरैले ऋण लिन नचाहिरहेको र बैंकहको पुँजीमा वृद्धि भएको उनीहरुको तर्क छ । अहिले राष्ट्र बैंक र सरकारको नीतिले व्यवसायीहरूको आत्मश्विास घटेको बैंकरहरुको भनाइ छ ।

त्यस्तै, राष्ट्र बैंकबाट बैंकहरूले पाइरहेको करिब ६४ अर्ब बराबरको पुनर्कर्जाको अवधि यही पुष मसान्तमा सकिदैंछ । हाल साधारण बचत खातामा न्यूनतम ७.१३ प्रतिशत र अधिकतम ९.११३ प्रतिशत ब्याजदर कायम गरिएको छ।