कुख्यात अपराधी चार्ल्स शोभराजलाई फ्रान्स पठाइयाे

८ पुष, काठमाडौं । ‘बिकिनी किलर’का रूपमा अन्तर्राष्ट्रिय कुख्यात फ्रान्सेली नागरिक चार्ल्स शोभराजलाई शुक्रबार साँझ कतार एयरलाइन्समार्फत फ्रान्स डिपोर्ट गरिएको छ। उनलाई १० वर्षसम्म नेपाल आउन प्रतिबन्धसहित गरी डिपोर्ट गरिएको अध्यागमन विभागले जनाएकाे छ ।

उनलाई साँझ ६ बजे कतार एयरलाइन्सको क्यूआर–६४७ नम्बरको उडानमार्फत उनलाई फ्रान्स डिपोर्ट गरिएको  जनाइएकाे छ ।

कर्तव्य ज्यानको कसुरमा केन्द्रीय कारागारमा १९ वर्ष २ महिना जेल जीवन बिताएका उनी सर्वाेच्च अदालतकाे आदेशले उनी शुक्रबार रिहा भएका थिए । आदेशमा १५ दिनभित्र आपफ्नाे देशमा पठाउन भनिएकाे थियाे । साेही मुताविक डिपाेर्ट गरिएकाे हाे ।

सन् १९४४ मा भियतनाममा जन्मिएका शोभराजले १९ वर्षको उमेरबाटै उनले अपराध सुरु गरेकाे  तथ्य खुलेकाे थियाे । फ्रान्स, भारत, थाइल्याण्डमा समेत चाेरी र अपराध कसुरमा जेल बसेका उनीविरूद्ध २०३२ पुस ६ गते क्यानेडियन नागरिक लोरेन्ट क्यारियरको हत्या गरेर शव टुक्रा पारी भक्तपुरको मनोहरा खोलामा फालेका र एक अमेरिकी युवती कोन्नी ब्रोनिचलाइ काभ्रेकाे साँगामा साेही वर्ष हत्या गरी फरार भएका थिए ।

शोभराज थाइल्याण्ड, पाकिस्तान, भारत, मलेसिया, फ्रान्स, अफगानस्तान, टर्की र ग्रिसका लागि पनि मोस्ट वान्टेड सूचीमा परेका थिए । सन् १९६३ देखि १९७६ को अवधिमा श्रृंखलाबद्ध हत्या गरेको अभियोगमा उनीविरुद्ध अन्तर्राष्ट्रिय अपराध प्रहरी संगठन (इन्टरपोल) ले ग्रिन कर्नर नोटिस जारी गरेको थियो ।

प्रहरीले इन्टरपाेलमा फरारकाे सूचीमा राखेर खाेजी गर्ने क्रममा २०५९ मा काठमाडाैंकाे ठमेलबाट पक्राउ परेका थिए ।उनीविरुद्ध भक्तपुर चित्तपोलका गोकर्णबहादुर कार्कीले २०३२ पुस ६ मै मुद्दा दायर गराएका थिए । नेपाल आउँदा भने शोभराज प्रहरीको पञ्जाबाट फुत्किन पाएनन् ।

२० वर्ष कैद सजाय तोकिएका उनी २०८० असोज १ गते छुट्दै थिए । तर, सर्वोच्चले बुधबार नै बन्दी प्रत्यक्षीकरणको रिटामा फैसला गर्दै बाँकी कैद मिनाहकाे निर्णयसहित थुनामक्त गर्न आदेश दिएपछि उनलाइ जेलबाट सिधै फ्रान्स डिपोर्ट गरिएकाे हाे । जेलमा बस्दा नेपाली युवती निहिता विश्वाससित विहे गरेकाे नाटक समेत गरेका थिए ।