बाराकाे भुतहीमा गोली चल्दा एक भारतीय व्यापारी घाइते

८ पुष, वीरगञ्ज । बारामा गाेली चल्दा एक जना व्यापारी घाइते भएका छन् । माेटरसाइकलमा आएकाे अज्ञात समूहले  गाेली चलाएकाे हाे ।

बाराको महागढीमाई नगरपालिका भुतही पुलनजिकै चिया पसलमा मोटरसाइकलमा आएका दुई जना व्यक्तिले शुक्रबार साँझ गोली चलाउँदा भारतीय व्यापारी शिवपुजन यादव गम्भीर घाइते भएकाे प्रहरीले जनाएकाे छ ।

गाेली प्रहार गर्ने समूहकाे पहिचान हुन नसेकेकाे जनाइएकाे छ । घाइतेको एलएस न्युरो अस्पतालमा उपचार भइरहेको जिल्ला प्रहरी कार्यालयले जनाएकाे छ ।