बालुवाटारमा देउवा-प्रचण्ड-माधवबीच त्रिपक्षीय बैठक जारी

१० पुष, काठमाडौं । नयाँ सरकारकाे पहिलाे नेतृत्व कसले गर्ने ? भन्नेबारे बालुवाटारमा सत्तारुढ दलबीच घनिभूत छलफल चलिरहेको छ । सत्तारुढ गठबन्धन आवद्ध दलहरुले आन्तरिक तथा द्वियपक्षीय र त्रिपक्षीय छलफल गरिरहेका छन् ।

प्रधानमन्त्रीको सरकारी निवास बालुवाटारमा प्रधानमन्त्रीसमेत रहेका कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’बीचको छलफल चलिरहँदा नेकपा (एकीकृत समाजवादी) अध्यक्ष माधवकुमार नेपाल पनि प्रवेश गरेका छन् । अहिले बैठक जारी छ ।

राष्ट्रपति विद्यादेवी भण्डारीले प्रधानमन्त्री पदमा दाबी गर्न दिएको एक साताको समय आइतबार बेलुका ५ बजे सकिनै लाग्दा दलहरु निर्णायक भन्दै छलफलमा जुटेका हुन् ।

कांग्रेसले राष्ट्रपति र प्रधानमन्त्री दुवै पदमा दाबी गर्दै पहिलो कार्यकाल आफूले पाउनुपर्ने अडान लिँदै आएको छ । यता माओवादीले प्रधानमन्त्रीको पहिलो कार्यकाल आफूले पाउनुपर्ने बताउँदै आएको छ ।

विभिन्न विकल्पमा अहिले नेताहरुबीच कुराकानी भइरहेको छ ।