बालुवाटारकाे त्रीपक्षीय वार्तामा खनालकाे प्रवेश

१० पुष, काठमाडौं । नेकपा (एकीकृत समाजवादी)का वरिष्ठ नेता झलनाथ खनाल प्रधानमन्त्री निवास वालुवाटार पुगेका छन् । नयाँ सरकार निर्माणका लागि सत्ता गठबन्धनमा सहमति जुटाउन नसकिरहेको बेला खनाल वालुवाटार पुगेका हुन् ।

वालुवाटारमा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड, एकीकृत समाजवादी अध्यक्ष माधवकुमार नेपाल छलफलमा छन् । त्रिपक्षीय वार्तामा खनाल पनि थपिएका हुन् ।

राष्ट्रपतिले नयाँ सरकार निर्माणको लागि दिएको समयमा आज साँझ ५ बजे सकिँदैछ । गठबन्धनमा सरकारको प्रधानमन्त्री पदमा माओवादी र कांग्रेसको दाबीका कारण सहमति हुन सकेको छैन ।