बालुवाटार बैठक निष्कर्षविहीन, फुटको संघारमा सत्ता गठबन्धन

गठबन्धनको प्रमुख घटक कांग्रेसले राष्ट्रपति र प्रधानमन्त्री पद दाबी गर्न नछाडेपछि केहीबेर अघिसम्म बसेकाे बैठक निष्कर्षविहीन बन्न पुगेकाे हाे । याेसँगै  गठबन्धन फुटको संघारमा पुगेको छ । शक्ति बाँडफाँटबारे आइतबार बिहानदेखि गठबन्धनका मुख्य घटक कांग्रेस, माओवादी कैन्द्र र एकीकृत समाजवादीका नेतृत्वबीच बैठक बसेको थियो ।

प्रधानमन्त्री पदमा कुरा नमिलेपछि नेकपा (माओवादी केन्द्र)का अध्यक्ष पुष्पकमल दाहाल प्रचण्ड नेकपा (एमाले)का अध्यक्ष केपी शर्मा ओलीलाई भेट्न बालकोट पुगेका छन् ।

कांग्रेसले माओवादी केन्द्रलाई भागबण्डामा सहमति नगर्दा प्रचण्ड एमालेतर्फ नजिकिएका हुन् । एमाले र माओवादीको दोस्राे तहका नेताहरूका यसअघि नै प्रचण्ड र ओलीलाई एक ठाउँमा ल्याउने पक्ष थिए । कांग्रेससँग भागबण्डामा कुरा नमिलेपछि ओली प्रचण्ड थप नजिकिएका हुन् ।