ओलीले बोलाएपछि राजेन्द्र लिङ्देन र रबि लामिछाने बालकोट पुगे

१० पुष, काठमाडौं । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देन नेकपा (एमाले)का अध्यक्ष केपी शर्मा ओलीसँग भेट गर्न भक्तपुरको बोलकोट पुगेका छन् ।

जारी रहेको भेटवार्तामा पछिल्लो राजनीतिक परिस्थितिबारे ओली र लिङ्देनबीच छलफल भएकाे बताइएको छ ।

सत्ता गठबन्धनमा आवद्ध दलहरुबीच सरकारको नेतृत्व र शक्ति बाँडफाँटका विषयमा कुरा नमिलेपछि ओलीले सरकार गठनमा सहयोगका लागि छलफल गर्न बालकोट बोलाएका हुन् ।

ओलीले रास्वपाका अध्यक्ष रबि लामिछानेलाई पनि बाेलाएर छलफल गरेका छन् । नेकपा (माओवादी केन्द्र)का अध्यक्ष प्रचण्डले पनि ओलीसँग छलफल गर्दैछन् ।

कांग्रेसले राष्ट्रपति र प्रधानमन्त्री दुवै पद छाड्न नसकिने भनेपछि प्रचण्ड बालुवाटारमा बसेको सत्ता गठबन्धनको बैठक छाडेर निस्केका थिए ।