‘नयाँ घटनाक्रम’बारे छलफल एकीकृत समाजवादीको पदाधिकारी बैठक

१० पुष, काठमाडौं । सत्ता गठबन्धनका एक घटक नेकपा (एकीकृत समाजवादी)का अध्यक्ष माधवकुमार नेपालले पदाधिकारी राखेका छन् । प्रधानमन्त्री निवास बालुवाटारबाट निस्किएलगत्तै नेपालले पदाधिकारी बैठक बोलाएर नयाँ सरकार गठनबारे पार्टीको धारणा बनाउन छलफल जारी राखेका हुन् ।

पार्टी केन्द्रीय कार्यालयमा तत्काल उपलब्ध पदाधिकारिहरुको बैठक जारी रहेको छ । बैठकमा नेपालसहित उपाध्यक्ष राजेन्द्र पाण्डे, महासचिव बेदुराम भुसाल, उपमहासचिव प्रकाश ज्वाला, किसन श्रेष्ठ, मेटमणि चौधरी, विजय पौडेल लगायत नेताहरू सहभागी रहेको बताएका छन् ।

नेकपा (माओवादी केन्द्र) अध्यक्ष आइतबार बिहान बालुवाटारमा भएको गठबन्धन बैठकबाट गठबन्धन टुटेको भन्दै एमालेसँग छलफलमा अघि बढेपछि नयाँ परिस्थिति आएको भन्दै यसबारे धारणा बनाउनेबारे छलफल गर्न बैठक बसिरहेको बताएका छन् ।