कांग्रेससहितको सरकार बन्ने संभावना समाप्त भएको नेपालको ब्रिफिङ

१० पुष, काठमाडौं । नेकपा (एकीकृत समाजवादी)का अध्यक्ष माधवकुमार नेपालले नेपाली कांग्रेससहितको सरकार गठन हुने संभावन समाप्त भएको ब्रिफिङ पार्टीको सचिवालय बैठकमा गरेका छन् ।

आइतबार बिहान बालुवाटारमा भएको कांग्रेससहितको गठबन्धन बैठक निष्कर्षविहीन बनेपछि दिउँसो पार्टी केन्द्रीय कार्यालयमा बोलाएको सचिवालय बैठकमा अध्यक्ष नेपालले नयाँ घटनाबारे जानकारी दिँदै सो ब्रिफिङ गरेका हुन् ।

गठबन्धनका एक घटक माओवादी केन्द्र एमालेसँगको समिकरणमा सरकार बनाउने योजनासाथ बालुवाटारबाट एमाले अध्यक्ष निवास बोलकोटमा बैठकमा छलफल जुटिरहेको छ ।

एकीकृत समाजवादी भने बालकोट बैठकमा सहभागी भएको छैन । बालकोटमा एमाले, माओवादी केन्द्र, रास्वपा, जसपा छलफलमा छन् । राप्रपा पनि बालकोट बैठकअघि ओलीसँग भेट गरेर अध्यक्ष राजेन्द्र लिङदेन फर्किसकेका छन् । उसले आजै पार्टीको आकस्मिक रुपमा केन्द्रीय बैठक बोलाएको छ ।