सरकार गठनमा राप्रपा अनिर्णयको बन्दी नबन्ने

१० पुष, काठमाडौं । राष्ट्रिय प्रजातन्त्र पार्टी (राप्रपा)ले नयाँ सरकार निर्माणमा अनिर्णयको बन्दी नबन्ने निर्णयले लिएको छ । आइतबार बसेको पार्टी पदाधिकारीको बैठकले नयाँ सरकार निर्माणका लागि अनिर्णयको बन्दी नबन्ने निर्णय गरेको हो ।

आइतबार दिउँसो एमाले अध्यक्ष केपी ओली निवास बालकोटमा नयाँ सरकार गठनबारे छलफलपछि बसेको राप्रपाको पदाधिकारी बैठकले डाकेको थियो ।

सो बैठकले नयाँ सरकार बनाउन संख्या नपुग्ने अवस्थामा अनिर्णयको बन्दी नबन्ने निर्णय गरेको महामन्त्री भुवन पाठकले जानकारी दिए ।

निर्णयले राप्रपा सरकारमा सामेल हुने बाटो खुलेको बैठकमा सहभागी एक नेताले बताए ।