प्रधानमन्त्रीमा दाबी पेस गर्न प्रचण्ड शीतलनिवासमा

१०, पुष, काठमाडौं । नयाँ सरकार गठनका लागि बहुमत सांसद संख्याको दाबीसहित नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीसहितका नेताहरू राष्ट्रपति कार्यालय शीतलनिवास पुगेका छन् ।

ओली निवास भक्तपुरको बालकोटमा प्रचण्डलाई प्रधानमन्त्री बनाउने दलहरुबीचमा सहमति भएसँगै आइतबार पाँच बजेअघि नै प्रधानमन्त्रीमा दाबी पेस गर्न उनीहरू शीतल निवास पुगेका हुन् ।

प्रचण्डको नेतृत्वमा बहुमतको सरकार बनाउन ७ दलको समर्थन जुटेको छ । प्रचण्डको नेतृत्वमा सरकार गठन गर्न एमाले, रास्वपा, राप्रपा, जसपा, जनमत र नागरिक उन्मुक्ति पार्टीको समर्थन रहनेछ ।

प्रतिनिधिसभामा एमालेका ७८, माओवादीका ३२, रास्वपाका २०, राप्रपाका १४, जसपाका १२, जनमतका ६ र नागरिक उन्मुक्ति पार्टीका ४ सांसद छन् ।