प्रचण्डद्वारा प्रधानमन्त्रीका लागि दावी पेश, स्वतन्त्र सांसदहरूको पनि समर्थन

१० पुष, काठमाडाैं । प्रधानमन्त्रीका लागि माओवादी केन्द्रका अध्यक्ष पुष्पकमल दाहाल ‘प्रचण्ड’ले शीतलनिवास पुगेर राष्ट्रपति विद्सयादृेवी भण्डारीसमक्ष दाबी पेस गरेका छन् ।

उनले ७ राजनीतिक दलहरूको समर्थनसहित आइतबार साँझ शीतल निवास पुगेर राष्ट्रपतिसमक्ष दाबी पेस गरेका हुन् ।यसअघि राष्ट्रपति भण्डारीले सरकार गठनका लागि दाबी पेस गर्न दलहरूलाई आइतबार साँझ ५ बजेसम्मको समय सीमा दिइएकामा समयभित्रै दाबी पेस गरेका हुन् ।

आफ्नो नेतृत्वमा सरकार गठन गर्न उनले एमाले, रास्वपा, राप्रपा, जसपा, जनमत पार्टी, नागरिक उन्मुक्ति पार्टीको समर्थन रहेकाे दाबी पेस गरे । दाबी पेसका क्रममा स्वतन्त्र सांसद अमरेशकुमार सिहं, प्रभु साह लगायत सांसदहरू सहभागी भएका थिए ।