कांग्रेस, एकीकृत समाजवादी र लाेसपा सरकार बाहिर

१० पुष, काठमाडाैं । कांग्रेससहित ३ वटा दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकार बाहिर रहने भएका छन् । नेपाली कांग्रेस, माधवकुमार नेपाल नेतृत्वकाे नेकपा (एकीकृत समाजवादी) र महन्थ ठाकुर नेतृत्वकाे लोकतान्त्रिक समाजवादी पार्टी (लोसपा) सरकार बाहिर रहने भएका हुन् ।

आमनिर्वाचनमा पहिलो शक्ति बने पनि नेपाली कांग्रेसले अन्य दलहरूसँग सहमति जुटाउन नसक्दा प्रतिपक्षमा बस्न बाध्य भएको हो । लोसपाका कार्यकारिणी सदस्य जितेन्द्र सोनलले लोसपा अहिलेसम्म कांग्रेसको साथमा नै रहेको र बालकोट बैठकभन्दा अलग रहेकाे बताए ।

एकीकृत समाजवादीको केन्द्रीय पदाधिकारी बैठकले नै सरकारमा नजाने निर्णय गरेको हो । प्रचण्ड नेतृत्वको सरकारलाई नेकपा (एमाले)सहित ७ दल तथा स्वतन्त्र सांसदहरूले समेत समर्थन गरेका छन् ।