बुटवलका डीएसपी सीआईबीकाे नियन्त्रणमा

११ पुष, बुटवल । रूपन्देहीकाे इलाका प्रहरी कार्यालय बुटवलका प्रहरी नायब उपरीक्षक (डीएसपी) ठगबहादुर केसीलाई सीआईबीको टोलीले लिएको छ ।

टोलीले आइतबार साँझ केसीलाई निवासबाटै नियन्त्रणमा लिइएको हो । कास्कीमा सरुवा भएका केसीलाई सरुवा भइ जाने तयारीमा रहेका बेला निवासबाटै नियन्त्रणमा लिइएको हो ।

सुन कारोबारसम्बन्धी मुद्दामा रकम असुली गरेको आरोप केसीमाथि लगाइएको छ । नियन्त्रणमा लिएर खानतलासी गर्दा निवासबाट ३५ तोला सुन र २५ लाख रुपैयाँ नगदसमेत बरामद गरेको प्रहरीको दाबी छ ।

यसअघिदेखि नै उनको कार्य सम्पादन शैलीमाथि प्रश्न उठ्दै आएको थियो ।