रास्वपा सभापति लामिछानेको नेतृत्वमा सरकारमा सहभागी हुने

११ पुस, काठमाडौं । राष्ट्रिय स्वतन्त्र पार्टी (रास्वपा)ले पार्टी सभापति रवि लामिछानेको नेतृत्वमा सरकारमा सहभागी हुने भएको छ ।

पार्टीको बैठकले लामिछानेकै नेतृत्वमा सरकारमा सहभागी हुने निर्णय गरेको हो । पार्टीले ५ मन्त्रालय दाबी गरेपनि मन्त्रालयको संख्याबारे केहीबेरमा बस्ने सत्ता गठबन्धनको बैठकबाट टुंगो लाग्दैछ । पार्टीले कुन कुन मन्त्रालय दाबी गर्ने भन्ने विषय पनि टुंगिसकेको एक नेताले बताए ।

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’लाई रास्वपाले पनि प्रधानमन्त्रीमा समर्थन गरेको छ । रास्वपा सरकारलाई समर्थन गर्ने तेस्रो ठूलो दल हो । उसँग २० सिट छन् भने माओवादी केन्द्रसँग जम्मा ३२ सिट छन् ।