सत्ता गठबन्धनको बैठक बानेश्वरमा सुरु, मन्‍त्रालय भागबण्डाबारे छलफल केन्द्रित

११ पुष, काठमाडौं । नेकपा (माओवादी केन्द्र) सहित ७ दलीय सत्ता गठबन्धनको बैठक नयाँ बानेश्वरमा सुरू भएको छ । केहीबेरअघि सुरु भएको बैठकमा दलहरुबीच मन्‍त्रालय बाँडफाँडका विषयमा छलफल चलिरहेको छ ।

माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्रीमा नियुक्ति भएसँगै दलहरुले मन्‍त्रालयको भागबन्डा गर्न बैठक बसिरहेको हो ।

सोमबार अपरान्ह ४ बजे प्रचण्डको शपथग्रहण कार्यक्रममा दलबाट सिफारिस भएर आउनेहरूलाई पनि शपथ खुवाउने तयारीस्वरूप दलहरु बैठकमा जुटेका हुन् ।

बैठकमा प्रधानमन्त्री दाहालसहित नेकपा एमालेका अध्यक्ष केपी शर्मा ओली, राष्ट्रिय प्रजातन्त्र पार्टीका अध्यक्ष राजेन्द्र लिङ्देन, राष्ट्रिय स्वतन्त्र पार्टीका अध्यक्ष रवि लामिछाने, जनमत पार्टीका अध्यक्ष सिके राउत, नेपाल समाजवादी पार्टीका अध्यक्ष बाबुराम भट्टराई लगायतका गठबन्धनका नेताहरूको सहभागिता छ ।