गृह र भौतिकमा रबिको दाबी, अन्यत्रै माेडने याेजनामा प्रचण्ड

११ पुष, काठमाडौं । राष्ट्रिय स्वतन्‍त्र पार्टी (रास्वपा)ले गृह र भौतिक पूर्वाधार मन्त्रालय पाउनुपर्ने दाबी गरेको छ । नयाँ बानेश्वरमा चलिरहेको सत्ता गठबन्धनको बैठकमा रास्वपाका सभापति रवि लामिछानेले आफ्नो पार्टीले उप्रधानमन्त्रीसहित गृह र भौतिक पूर्वाधार मन्त्रालय पाउनुपर्ने दाबी गरेका हुन् । प्रतिनिधिसभामा रास्वपा २० सिटसहित चौथो ठूलो दल बनेको छ ।

सभापति लामिछानेकाे दाबी सुनेपछि लामिछानेकाे ध्यान अन्यत्रै माेडने मुडमा प्रचण्ड देखिएकाे बताइएकाे छ । गृह, अर्थ, भाैतिक र परराष्ट्र माओवादी केन्द्र र एमाले अरूलाई नदिने याेजनामा रहेकाे बताइन्छ ।

बैठकमा प्रधानमन्त्री पुष्पकमल दाहाल ‘प्रचण्ड’, एमाले अध्यक्ष केपी शर्मा ओली, राप्रपाका अध्यक्ष राजेन्द्रकुमार लिङदेन, पूर्वप्रधानमन्त्री डा. बाबुराम भट्टराई लगायत सरकारमा सामेल दलका शीर्ष नेताहरु सहभागी छन ।

राप्रपाले भने तत्काल सरकारमा नजाने र समर्थन मात्र गर्ने निर्णय गरेको छ । आइतबार मात्र नियुक्त भएका प्रधानमन्त्री प्रचण्डकाे शपथग्रहण आज दिउँसाे ४ बजे राष्ट्रपति कार्यालय शीतल निवासमा हुँदैछ । मन्त्रालयको भागबण्डा मिलेको खण्डमा मन्त्रीहरुलाई सोही समारोहमा शपथग्रहण गराउने तयारी भइरहेको छ