मन्त्रालय भागबन्डामा सहमति जुटन मुश्किल भइरहेकाे भट्टराईको प्रतिक्रिया

११ पुष, काठमाडौं । नयाँ बानेश्वरस्थित संसद भवनमा जारी सत्ता गठबन्धनको जारी बैठकमा दलहरुबीच मन्त्रालयको भागबन्डा विषयमा सहमति जुट्न नसकेको बैठकमा सहभागी नेता बाबुराम भट्टराईले बताएका छन् ।

सरकारमा सहभागी नयाँ दलहरुले लाभदायी मन्त्रालय रोजेपछि भागबण्डामा समस्या आएका बताइएको छ । प्रधानमन्त्री प्रचण्डको शपथग्रहण अगावै मन्त्रालय भागबण्डाको कुरा मिलाउन भनी बसेको बैठक बिना निष्कर्ष टुंगिनेतिर गइरहेको पूर्वप्नधानमन्त्री समेत रहेका नेता डा. भट्टराईले बताए । सरकारलाई समर्थन गर्ने दलहरुको उमालेसहित संख्या ७ रहेका छन् । बैठक केही समय लम्बिने भएकाे छ ।

जसमध्ये राप्रपा र नागरिक उन्मुक्ति पार्टीले सरकारलाई समर्थन मात्र गर्ने, सरकारमा नजाने निर्णय गरिसकेको छ । जसपाले जाने वा नजानेबारे निर्णय गर्न सकेको छैन ।

आजै दिउँसो ४ बजे राष्ट्रपति कार्यालय शीतलनिवासमा नवनियुक्त प्रधानमन्त्री प्रचण्डको पद तथा गोपनीयताको शपथग्रहण कार्यक्रम राखिएको छ ।