जनमत पार्टीले पायो उद्योग मन्त्रालय, राउत तत्काल मन्त्री नबन्ने

११ पुष, काठमाडौं । जनमत पार्टीले उद्योग मन्त्रालय पाएको छ। सोमबार संघीय संसद् भवनमा बसेको सत्ता गठबन्धनको बैठकले जनमत पार्टीलाई उद्योग मन्त्रालय दिने निर्णय गरेको हो ।

जनमत पार्टीका अध्यक्ष सिके राउतले आफ्नो पार्टीलाई कृषि वा उद्योग मन्त्रालयमा मागेका थिए । जनमत पार्टीका अध्यक्ष सीके राउतले आफू सरकारमा नजाने र उपाध्यक्ष अब्दुल खानलाई मन्त्री बनाउने बताए ।

जनमत पार्टीबाट प्रतिनिधिसभामा ६ जना सांसद छन् । अहिले ४ बजे नवनियुक्त प्रधानमन्त्री, उपप्रधामन्त्री र मन्त्रीले शपथ लिँदैछन् । प्रधानमन्त्रीमा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ आइतबार मात्र नियुक्त भएका हुन् ।