पदभार ग्रहण गरेकै क्षण गृहमन्त्री लामिछानेले सचिवलाई सोधे निर्मला पन्त घटनाबारे

११ पुष, काठमाडौं । नवनियुक्त गृहमन्त्री रवि छामिछानेले पदभार ग्रहण गरेका छन् । राष्ट्रपति कार्यालयमा शपथ ग्रहण लगत्तै मन्त्रालय पुगेर लामिछानेले पदभार ग्रहण गरेका हुन् ।

पदभारका क्रममा उपप्रधानमन्त्रीसमेत रहेका गृहमन्त्री लामिछानेले निर्मला पन्तको बारेमा गृह सचिव बिनोद सिंहसँग जिज्ञासा राखेका थिए ।
कञ्चनपुरकी १२ वर्षीया पन्तको २०७५ साउन १०  गते बलात्कारपछि हत्या भएको थियो । उक्त घटनाका कुनैपनि दोषी पत्ता लागेका छैनन् ।

घटनापछि गठित हरेक सरकारले दोषी पत्ता लगाएर कारवाहीको दायरामा ल्याउने आवश्वसन दिँदै आएपनि दोषी पत्ता लगाउन सकेका छैनन् । दोषी पत्ताा लाग्न नसक्नु तत्कालीन सरकारका निकटका व्यक्तिहरु संलग्न रहेको आरोप पीडित पक्ष र सरोकारवालाहरुले लगाउँदै आएका छन् ।