जसपा संसदीय दलको नेता चयनप्रति अशोक राई असन्तुष्ट

१३ पुष, काठमाडौं । जनता समाजवादी पार्टीको अध्यक्षमा रामसहायप्रसाद यादव चयनप्रति पार्टीका वरिष्ठ नेता अशोक राइ असन्तुष्ट बनेका छन् । दलको नेता चयनका लागि बुधबार निर्वाचन गर्ने जसपाको तयारी थियो । तर, पार्टी अध्यक्ष उपेन्द्र यादवले रामसहायलाई दलको नेता बनाउने निर्णय गरेपछि पार्टीका अधिकांश सांसदहरूसहित राइ असन्तुष्ट भएका हुन् ।

जसपा दलको नेताका लागि अशोक राई र राजकिशोर यादव आकांक्षी थिए । तर, अध्यक्ष यादवले आफ्ना विश्वासपात्र यादवलाई संसदीय दलको नेता बनाउने निर्णयमा पुगेपछि असन्तुष्ट प्रकट शुरू भएको छ । जसपासँग १२ सांसद छन् ।
तीमध्ये उपेन्द्र यादवले आपफ्रनो पक्षमा ७ जना सांसद रहेको दाबी गर्दै रामसहायको पक्ष निर्णय लिए पछि असन्तुष्ट बाहिरएको हो । राई दलको नेता बनेर सरकारमा पार्टीको नेतृत्व गर्न चाहन्थे । तर अध्यक्ष यादवले उनको चाहना तुहाइदिए । नेतामा सहमति जुट्न नसकेकै कारण बुधबार निर्वाचन हुँदै थियाे । तर चुनाव हुनै दिइएन । यसबाट सरकारमा जाने वा नजाने ? भन्नेबारे विषयमा विवाद चल्ने देखिएको छ ।

अध्यक्ष यादव सप्तरीबाट निर्वाचन हारेपछि संसदीय दलको नेतामा हानथाप चलेको हो । हारसँगै पार्टीको नेतृत्वबारे नै समीक्षा गर्नुपर्ने आवाज जसपाभित्र बलियो बन्दै गएको छ । तत्कालीन अवस्थामा डा. बाबुराम भट्टराई अलग भएपछि संघीय परिषद अध्यक्ष बनेका अशोक राई पार्टी उपेन्द्रको स्थान लिने योजना लागेको बताइन्छ ।