रबिलाई तीन मन्त्री र एक राज्यमन्त्रीमा मनाउने रणनीति, उपसभामुखमा दाबी नछाडने याेजनामा रास्वपा

१३ पुष, काठमाडौं । मन्त्रालय बाँडफाँटका लागि आज बोलाइएको सत्ता साझेदार दलहरुको बैठक बस्न सकेको छैन । प्रधानमन्त्री पुष्पकमल दाहाल प्रचण्डले बुधबार बिहान एमाले अध्यक्ष केपी शर्मा ओली, एकीकृत समाजवादीका अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादवसँग छुट्टाछुट्टै भेट गर्दा समय बितेपछि बैठक भोलिका लागि सारिएको छ । बैठकमा सरकारमा समेल दलहरुबीच मन्त्रालय र मुख्यमन्त्री भागबण्डाबारे छलफल हुने भनिएको थियो ।

तर प्रधानमन्त्री प्रचण्ड र ओलीबीच खुमलटारमा भएको छलफलमा भाग लाग्न बाँकी मन्त्रालय मुख्यमन्त्रीबारे मोटामोटी खाका तयार भएपछि अन्य दलसँग छलफल गर्न समय लिइएको हो ।

एमालेले १० र ४ वटा मुख्यमन्त्री दाबी गरेको छ । सरकारको नेतृत्व् गरिरहेको माओवादी केन्द्रलाई ७, रास्वपालाई ३, जनमतलाई १, नागरिक उन्मुक्ति पार्टीलाई १ मन्त्रालय दिने र बाँकी पछि आउने दललाई दिने गरी छलफल ओली र प्रचण्डबीच भएको बताइएको छ ।

एमालेले अर्थ, माओवादी केन्द्रले भौतिक पूर्वाधार, रास्वपाले गृह मन्त्रालय लिइसकेका छन् । एमालेबाट मन्त्री शपथ खाएका तीन सांसद मन्त्रालयको टुंगो नलाग्दा बिनाविभागीयमा सीमित छन् ।

३ वटा मन्त्री र एउटा राज्य मन्त्री दिने तयारीबारे ओली र प्रचण्डबीच छलफल सल्लाह भइरहेको बेला भागबण्डामा मन्धालयपछि रास्वपाले उपसभामुखमा दाबी गरेको छ । यसअघि उसले गृहमा दाबी नछाडदा अन्य दलहरु पछि हटेका थिए । उसले ५ मन्त्रालय पाउनुपर्ने दाबी पनि छाडेको छन ।